மேகமலை மற்றும் வருசநாடு பகுதிகளில் வன நிலம், குடியிருப்பு, விவசாய நிலம் மற்றும் ஆக்கிரமிப்பு தொடர்பான விவகாரம் நீண்ட காலமாக நீதிமன்றங்களிலும் நிர்வாகத்திலும் இருந்து வருகிறது.

இந்த விவகாரத்தில் பல்வேறு நீதிமன்ற நடவடிக்கைகள் மற்றும் வனத்துறையின் நடவடிக்கைகள் தொடர்ந்து இடம்பெற்றுள்ளன. 2026ஆம் ஆண்டில் இந்த நடவடிக்கைகள் புதிய கட்டத்தை எட்டிய நிலையில், நிலங்களை அடையாளம் காண Drone Survey, ஆக்கிரமிப்புகளை வகைப்படுத்துதல் மற்றும் வெளியேற்றம்/மறுகுடியமர்வு தொடர்பான நடவடிக்கைகள் முன்னெடுக்கப்பட்டன.

இதன் தொடர்ச்சியாக, 98 மலைக்கிராமங்களைச் சேர்ந்த மக்கள் தங்களது குடியிருப்பு மற்றும் வாழ்வாதாரம் பாதிக்கப்படக்கூடும் எனக் கூறி பல்வேறு போராட்டங்களை நடத்தி வருகின்றனர். அதேவேளை, 98 கிராமங்களில் உள்ள அனைவரையும் வெளியேற்றுவது நோக்கம் அல்ல என்று வனத்துறை விளக்கம் அளித்துள்ளது